• Samraikhabar
• २०७९ माघ २ सोमबार

सुख भनेको के हो ? थाहा छैन मलाई

दुःख भनेको के हो? थाहा छैन  मलाई  ।

सुखको फल चाख्नै थुप्रै बाँकी छ अँझै

के भनु? दु:खको कथा थाहा छैन मलाई ।

रित्तै जन्मेको रे रित्तै जाने भन्छन् मान्छे 

कमाई भनेको के हो? थाहा छैन मलाई ।

काम नगरी खान पाइदैन यत्ति जानेकोछु

यसैले आराम के हो ? थाहा छैन मलाई ।

सके सहयोग गर्ने नसके दु:ख नदिने बाहेक 

ठूलो मान्छे भनेको के हो थाहा छैन मलाई ।

धन, पद, घर, सम्मान प्रतिष्ठा बिर्सन सके

मिल्ने आनन्द बाहेक केही थाहा छैन मलाई ।